«Կարեւոր չէ, թէ ի՛նչ կը տեսնես, այլ ինչպէ՛ս կը տեսնես: Ճիշդ այդ է հայեացքս ստեղծագործութեան հանդէպ. կ'ուզեմ անմահացնել մարդոց ամէնէն անձնական վայրկեանները, երբ կ'արտայայտուին առանց մտածելու:»
1990-էն առ այսօր ֆիլմարուեստի բնագաւառին մէջ ստեղծագործող անկախ արտադրող եւ բեմադրիչ Արա Մածունեան հեղինակ է աւելի քան մէկ տասնեակ վաւերագրական ֆիլմերու եւ ֆիլմաշարերու: Ան սինեմաթոկրաֆըր է, թատերական հեղինակ, դերասան, լուսանկարիչ եւ համալսարանի դասախօս։
«Արուեստը յայտարարութիւն մը կ’ընէ, ապրում մը կը ներպահէ եւ մտավիճակ մը կը հաղորդէ: Այդ իմ կեանքիս իւրաքանչիւր պահն է: Իմ նկարներս ու քանդակներս խտացեալ ցուցադրութիւններ են փորձառութիւններուս եւ զգացումներուս: Արուեստը այն է, ինչը գեղեցիկ է եւ իրական: Իմ արուեստս իմ յայտարարութիւնս է»:
Անի Քիւրքճեան կը համարուի Լիբանանի մէջ իր սերունդի լաւագոյն նկարիչներէն: Ան պաստառին կը բերէ պատերազմի եւ սիրոյ գոյներն ու ձեւերը՝ անձնական փորձառութիւններու անկեղծ անդրադարձումներով: