Այստեղ, այնտեղ կամ որտեղ էլ
Երդումներ տրուեն,
Գրաւականների սիմֆոնիան կհնչի
Մաքուր ու ձայնեղ․
Արեւը, լուսինը
Ու վերներում գտնուող աստղերը,
Բոլորի խոստումները կը քանդակուեն
Հորիզոնի լազուարթում:
Արեւը, ոսկէ վրձինով նկարիչ է,
Խոստացել է լուսաբաց,
Լոյս ու առօրեայ պայծառ,
Լուսինը մահիկի շեղբով լոյսը սափրում,
Գիշեր է անում
Մութով է ծածկում ամենայնը:
Աստղերը խոստացել են փայլել,
Տիեզերական ցուցադրութիւն է,
Ցօղեր ծաղկաթերթերի վրայ`
Լուսնեակի պալետ,
Երկնային երանութեան մէջ,
Տրուած խոստումների մթնոլորտում:
Քո աչքերը, սիրոյ հայելիները,
Շրթունքները մեղրոտ երդուեցին
Ամոքել սիրոյ ու համբոյրի ծարաւս,
Բայց որպէս անցողիկ մեղեդի,
Նրանք խամրում են,
Դաւաճանուած խոստումների
Արձագանգներ թողնելով:
Ցանկութեան խշշոցում
Փնտռում եմ քո դէմքը,
Սակայն համբոյրներդ մնում են
Հեռաւոր տարածութեան մէջ,
Արեւը, լուսինը, աստղերը
Կարող են դեռ փայլել,
Բայց խախտուած խոստումներդ
Մրմռում են իմ բեկուած սրտում:
