Քաջ ձայն մը Լիբանանէն՝ լրագրող Փաթիլ Մկրտիչեան

Մեր այսօրուան հիւրն է անիրաւութիւններն ու ոչ-շինիչ քննադատութիւնները քաջաբար մերժող՝ լրագրող Փաթիլ Մկրտիչեանը: Փաթիլը ծանօթ անուն մըն է լիբանահայայութեան եւ գրեթէ բոլոր հայ գաղութներուն մէջ, ուր Հայաստանի Հ1 պատկերասփիւռի կայանը հասանելի է: Ան յայտագիրներ ներկայացուցած է նաեւ Վանա Ձայնէն: Եղած է գործուն անդամ Համազգայինի եւ ՀՄԸՄ-ի մէջ: Փաթիլը նաեւ ծանօթ անուն է հասարակական կեանքին մէջ իր հանրանուէր ծառայութիւններով եւ ընկերային ցանցերու ճամբով անկարին օգտակար հանդիսանալու խանդավառ ճիգով: