Մեր podcast-ի հիւրն է Պէյրութի Ամերիկեան համալսարանի (AUB) Առողջապահական գիտութիւններու հանրային առողջապահութեան բաժանմունքի փրոֆեսոր, հետազօտող, դոկտ. Թամար Գապագեան-Հաշէօլեանը: Թամարը մայրական, նորածիներու եւ երեխաներու առողջութեան մասնագէտ է, ունի հարուստ փորձառութիւն եւ մեծ ներդրում այս մարզին մէջ: Բազում այլ համագումարներու կողքին, ան իր մասնակցութիւնը բերած է ու կը շարունակէ բերել Առողջապահութեան Համաշխարհային Կազմակերպութեան (WHO) կարեւոր համագումարներու՝ ներկայացնելով Միջին Արեւելքը: Կ’անդրադառնանք նաեւ AUB-ի մէջ Թամարին գործունէութեան՝ կեդրոնանալով հանրային առողջապահութեան մասին իր հետազօտութիւններուն վրայ:
