Փիեռ Շեմմեսեանի բեմը, կերպարները եւ «պաթալ»-ները

«Տարբերակ21» հարթակի «խօսինք ու լսենք» փոտքասթի այսօրուան հիւրն է Փիեռ Շեմմեսեանը՝ Լիբանանահայ սիրուած կատակաբան, դերասան եւ stand-up comedian, որուն անունը շատոնց ծանօթ է Լիբանանի տեղացի եւ հայ հանրութեան, ինչպէս նաեւ հայ եւ լիբանանեան սփիւռքի գաղութներուն մէջ։ Փիեռը հանրութեան կը ներկայանայ քաղաքական ու ընկերային այլազան կերպարներով՝ ներառելով նաեւ հայ կերպարներ: Կը զրուցենք Փիեռի բեմական ուղիին, իր ստեղծած կերպարներուն, հայերէն եւ արաբերէն լեզուներով աշխատելու փորձառութեան, եւ իր վերջին թատերախաղին՝ «Աշակերտ Պաթալ»-ին մասին։