Տաղանդաւոր ջութակահարներ եւ շնորհալի երիտասարդներ Ալեք Տօներեան եւ Անտրիա Տեմիրճեան

«տարբերակ21» հարթակի «խօսինք ու լսենք» փոտքասթի հիւրերն են երկու երիտասարդ տաղանդաւոր երաժիշտներ եւ շնորհալի երիտասարդներ՝ Անտրիա Տեմիրճեանը եւ Ալեք Տօներեանը։ Ալեքը ելոյթներ ունեցած է նուագախումբերու հետ Լիբանանի եւ Իտալիոյ մէջ, իսկ վերջերս մասնակցեցաւ Մոսկուայի Աշխարհի Երիտասարդական Նուագախումբի փառատօնին։ Անտրիան ջութակ սկսած է նուագել միայն չորս ու կէս տարեկանին։ Այսօր ան Լիբանանի Ազգային Երիտասարդական Նուագախումբի քոնցերթմասթըրն է եւ արդէն ելոյթ ունեցած է իբրեւ մենակատար՝ Լիբանանի մէջ եւ այլուր, ներառեալ՝ Մոսկուայի վերջին փառատօնին։ Ալեք եւ Անտրիա կը մարմնաւորեն Լիբանանի նոր սերունդի ստեղծարար ոգին, ուժն ու նուիրումը՝ իրենց տաղանդը հասցնելով միջազգային բեմեր: