Պուրճ Համուտը, սինեմաները եւ Երուանդ Հաւարեանը

«Տարբերակ21» հարթակի «խօսինք ու լսենք» փոտքասթի այսօրուան հիւրն է Երուանդ Հաւարեանը՝ արուեստագէտ մը, որուն գործը սերտօրէն կապուած է Լիբանանի շարժապատկերի պատմութեան, քաղաքային յիշողութեան եւ ժողովրդական պատկերագրութեան հետ։ Քամիշլիէն մինչեւ Պուրճ Համուտ, սինեմայի որմազդերէն մինչեւ մեծածաւալ որմնանկարներ եւ դիմանկարներ, Հաւարեան աւելի քան վեց տասնամեակ ձեւաւորած է տեսողական աշխարհ մը, որ այսօր դարձած է մեր հաւաքական յիշողութեան մէկ մասը։ «Rewind» ցուցահանդէսին առիթով, կը զրուցենք իր կեանքի ուղիին, սինեմայի հետ ունեցած անքակտելի կապին եւ այն պատկերներուն մասին, որոնք տակաւին կը շարունակեն ապրիլ մեր քաղաքներուն մէջ։