Այսօր, «խօսինք ու լսենք» զրոյցի մեր հիւրն է AUB-ի դասախօսներէն՝ դոկտ. Վարագ Գեթսեմանեան: Վարագին հետ կը խօսինք իր հետազօտական հետաքրքրութիւններուն եւ քննական մտածողութեան կարեւորութեան մասին՝ պատմագրութեան, պատմութեան ուսուցման եւ ընդհանրապէս մեր առօրեարին մէջ, ընկերային ցանցերու ապատեղեկատուական տիրակալութեան այս օրերուն: Նաեւ հարց կու տանք, թէ հասարակական կեանքի առողջ կազմակերպման մէջ, որքա՞ն կարեւոր է քննական մտածողութեան դերը: