Խորհրդարանական ընդդիմութիւն
Կը շարունակենք ներակայացնել Հայաստանի մէջ գործող կուսակցութիւնները, դաշինքները եւ խմբակցութիւնները: Մնալով խորհրդարանական ընդդիմութեան ծիրին մէջ՝ կը ներկայացնենք «Պատիւ ունեմ» դաշինքն ու «Հանրապետական» կուսակցութիւնը:
«Պատիւ ունեմ» դաշինք
«Պատիւ ունեմ» դաշինքը կազմուած է Հայաստանի Հանրապետական եւ «Հայրենիք» կուսակցութիւններէն: Հիմնուած է 15 Մայիսի 2021-ին, 20 Յունիսին կայանալիք արտահերթ խորհրդարանական ընտրութիւններու նախօրեակին:
| Առաջնորդ | Արթուր Վանեցեան (ՀԿ)
Սերժ Սարգսեան (ՀՀԿ) |
| Հիմնադիր | Սերժ Սարգսեան |
| Հիմնադրուած | Մայիս 15, 2021 |
| Լուծուած | Յունիս 21, 2022 |
| Գաղափարախօսութիւն | ազգային պահպանողականութիւն եւ հայկական ազգայնականութիւն |
| ՀՀ Ազգային ժողով | 7 / 107 |
Հանրապետական կուսակցութիւնը նախկին իշխող կուսակցութիւնն էր մինչեւ 2018-ի թաւշեայ յեղափոխութիւնը: Նախկին նախագահ Սերժ Սարգսեան այս կուսակցութեան անդամ է, իսկ «Հայրենիք» կուսակցութիւնը հիմնուած է Արթուր Վանեցեանի կողմէ (Հայաստանի Ազգային անվտանգութեան ծառայութեան նախկին տնօրէնը):
Վերջին ընտրութիւններուն այս դաշինքի հազիւ կը յաջողի խորհրդարան մուտք գործել անցնելով 5 տոկոսի սահմանագիծը:
21 Յունիս 2022-ին, Արթուր Վանեցեան կը հրաժարի պատգամաւորութենէն՝ նշելով, թէ ան ինքզինք այլեւս չի տեսներ խորհրդարանին մէջ, որովհետեւ ան «դադրած է երկիրը աղէտէն դուրս բերելու արդիւնաւէտ հարթակ մը ըլլալէ»: Հետեւաբար, կը դադրի գոյութիւն ունենալէ «Հայրենիք» եւ «Հանրապետական» կուսակցութիւններու ձեւաւորած «Պատիւ ունեմ» դաշինքը:
Հայաստանի հանրապետական կուսակցութիւն
Հայաստանի հանրապետական կուսակցութիւնը գործող ընդդիմադիր կուսակցութիւն է Հայաստանի մէջ: Հիմնուած է 1990-ին: Կուսակցութեան պաշտօնական կայէջին համաձայն, անոր գաղափարախօսութիւնը ազգային պահպանողական է: Ան ինքզինք կը նկատէ Ազգային միացեալ կուսակցութեան գաղափարական-քաղաքական ժառանգորդը:
Ներկայիս ՀՀԿ-ն ընդդիմադիր, աջ-կեդրոնամէտ կուսակցութիւն կը նկատուի:
Առաջնորդ Սերժ Սարգսեան
Կարգախօս «Անվտանգութիւն եւ յառաջդիմութիւն»
Հիմնադիր Աշոտ Նաւասարդեան
Հիմնուած 1990-ին
Գաղափարախօսութիւն ազգային պահպանողականութիւն, ազգայնականութիւն,
ռուսամէտութիւն
Քաղաքական հայեացք աջակողմեան
ՀՀ Ազգային ժողով 4 / 107
Մինչեւ թաւշեայ յեղափոխութիւնը, Հանրապետական կուսակցութիւնը կը գտնուէր իշխանութեան վրայ, նախկին նախագահ Սերժ Սարգսեանի գլխաւորութեամբ: Կուսակցութիւնը հիմնուած է Աշոտ Ցոլակի Նաւասարդեանի կողմէ, որ կը հետեւէր Գարեգին Նժդեհի «ցեղակրօն» գաղափարախօսութեան:
Պետրոս Մանուկեան
Շարունակելի
Մաս առաջին՝ https://darperag21.net/%d5%ae%d5%a1%d5%b6%d6%85%d5%a9%d5%a1%d5%b6%d5%a1%d5%b6%d6%84-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b4%d5%a7%d5%bb-%d5%a3%d5%b8%d6%80%d5%ae%d5%b8%d5%b2-%d5%af%d5%b8%d6%82%d5%bd/
