 Տեղի ունեցաւ Armenians Forward Together եռօրեայ ֆորումը, որուն նպատակն էր միմեանց ծանօթացնել նմանատիպ խնդիրներով զբաղող նախաձեռնութիւնները: Քանի որ կազմակերպիչներուն մեծ մասը Հայաստանէն չէին, իրենց ուզածին պէս չէին կրցած տարածել միջոցառման մասին տեղեկատուութիւնը: Չնայած ատոր, բաւականաչափ շատ մասնակիցներ կային, եւ օգտակար կապեր հաստատուեցան: Առաջին օրը ներկայացուեցան թիւով 18 նախաձեռնութիւններ, իսկ յաջորդ օրերուն աւելի նեղ թեմաներով աշխատարաններ եղան: Կազմակերպուած էր բաւական բարձր մակարդակով:

 Armenians Forward Together-ին ներկայացուած ամենամեծ անակնկալը ինծի համար Zartnir նախաձեռնութիւնն էր, որուն նպատակն է Հայաստանի դպրոցներուն մէջ ստեղծել գիրք կարդալու խմբակներ: Կ’ընտրեն դպրոցներ, կը նուիրեն գիրքեր եւ կը կազմակերպեն ամէնշաբաթեայ քննարկումներ կարդացած գիրքերուն շուրջ: Սկսած է 2017 թուականին երկու դպրոցներու մէջ, այս տարի հասած է 37 դպրոցի, կ’աշխատին հիմնականին մէջ կամաւորական սկզբունքներով: Patreon-ի մէջ դրամահաւաք ունին, ամսական կը հաւաքեն մօտ $1000: Նախաձեռնութեան հիմնադիրին խօսքով, որ այս տարի տեղափոխուած է Հայաստան, եթէ հասնին ամսական $5000-ի, կրնան առնուազն հարիւր դպրոցներու մէջ նման խմբակներ ունենալ: https://www.patreon.com/zartnir

 Յայտարարուեցաւ, որ Հոկտեմբերի վերջը պիտի մեկնարկէ DigiWeek-ը՝ արհեստագիտական աշխարհի միջոցառումներու ութօրեայ շարքը: Այդ օրերուն պիտի կայանան Digitec Expo ցուցահանդէսը, Hyetech Showcase 2021 միջոցառումներու շարքը (Սփիւռքի արհեստագիտական համայնքի մեծ ներգրաւումով) եւ շարք մը մեծ ու փոքր այլ միջոցառումներ:

 Բարձր արհեստագիտական արդիւնաբերութեան նախարարութեան կրթական ծրագիրներուն ընդունելութիւնը կը շարունակուի 16 ուղղութիւններով: Յայտարարուեցաւ, որ պատերազմի մասնակիցներուն համար դասընթացքները անվճար պիտի ըլլան:

 Մեկնարկեց Բարձր արհեստագիտական արդիւնաբերութեան նախարարութեան փորձնական աշխատանքի անցնելու ծրագիրը: Ինը արհեստագիտական ընկերութիւններ վեց ամիս փորձնական աշխատանքի հնարաւորութիւն պիտի տան մօտ հարիւր երիտասարդներու, որոնց աշխատավարձը (կամ անոր մէկ մասը) պիտի վճարէ պետութիւնը:Մասնակցող ընկերութիւններն են․ Instigate Mobile, Web Projects, G-host, ISTC Labs, EPAM Systems, DataArt, The Gurus, Codics, FimeTech․ մէկ մասին մէջ տեղերը արդէն լրացուած են:

 FAST հիմնադրամը եւ արեւային վահանակներ արտադրող SolarOn ընկերութիւնը յայտարարեցին $30000-նոց դրամաշնորհ մը Հայաստանի ուժանիւթի ապահովութեան ճանապարհային քարտէս մշակելու համար․

նման ձեւաչափ հաւանաբար առաջին անգամն է, որ կը փորձարկուի Հայաստանի մէջ:

 Նախապէս պատմած եմ Paradigma հիմնադրամին մասին, որ նախորդ տարիներուն EdCamp միջոցառումներ կ’ընէր` նպատակ ունենալով ուսուցիչներուն համար փորձի փոխանակման ու քննարկումներու հարթակ ըլլալ: Այս տարի, իրենց աջակցութեամբ տարբեր խումբեր կ’իրականացնեն սեփական EdCamp-երը: Նման միջոցառում մը եղաւ նախադպրոցական կրթութեան թեմայով:

 Մեկնարկեց «Մարզերու երեխաները մարզերուն մէջ» նախաձեռնութեան ամառնային ճամբարը Սեւանի ափին:

 Ճարտարագիտական քաղաքին մէջ կ’ընթանայ ամառնային դպրոցը. տեսանիւթ մը պատրաստած էին, թէ ինչպէս կ’ընթանան ավիամոտելաւորման դասերը.

 Սեպտեմբեր 10-11-ին պիտի կայանայ DataFest Yerevan 2021 միջոցառումը, նուիրուած մեքենայական ուսուցման եւ տուեալագիտութեան:

 «Զինուորի տան» մէջ պիտի ստեղծուի Ցաւի կառավարման կեդրոն մը, ուր կ’օգնեն վիրաւոր զինուորներուն՝ կառավարելու երկար ժամանակ զգացուող ցաւերը:

 «Զինուորի տուն»ը ձեռք պիտի բերէ յատուկ լէյզըր- Ճառագայթային սարք մը՝ այրուածքներ բուժելու համար․

Ըստ Արմէն Մուրատեանին, սա եւս հնարաւոր դարձած է Armenians Forward Together ֆորումին շնորհիւ:

 AICA ցանցը յայտարարեց նոր «հրեշտակ ներդրողներ» ներգրաւելու մասին․

եւ

 Օգոստոսի վերջը կը կայանայ BANA Bootcamp-ը, որուն նպատակն է նորաստեղծ սթարթափները նախապատրաստել BANA Startup Incubator-ին մասնակցելուն:

 Քանի մը ամիս առաջ «Բարձունք» նախաձեռնութեան շրջանակներուն մէջ միմեանց ծանօթացած էին մարդիկ, որոնք համաձայնած էին գինիի գործարան մը կառուցել Կողբի մէջ: Այս շաբաթ ցոյց տրուեցաւ գործարանի կառուցման ընթացքը, Սեպտեմբերէն պիտի սկսի գործել:

 Սփիւռքի յանձնակատարի գրասենեակը հիանալի մէկ այլ ուղեցոյց պատրաստած է․ հայերէն սորվելու բոլոր հնարաւորութիւնները՝ մէկ էջի մէջ․

 Տաւուշի մարզին մէջ աղբի մաքրութեան տեղի ունեցաւ միջոցառում մը, որուն կը մասնակցէին հիմնականին մէջ մանուկները․

Այսպիսի փոքր միջոցառումներ յաճախ կ’ըլլան, ոչ բոլորը կը գրանցեմ: