Oգոստոս 2021. Շաբաթ թիւ 4
August 27, 2021
- PIERIS հիմնադրամին միջոցներով, Ալիխանեանի անուան ազգային գիտաշխանոցին մէջ վերանորոգուած եւ կահաւորուած է գիտաշխանոց մը, որ արդէն համագործակցութեան ծրագիրներ սկսած է ամերիկեան գիտական ծանօթ խումբերու հետ: Այժմ նոր դրամահաւաք մը կ’ընեն քանի մը սարքեր ձեռք բերելու համար․
- Falling Walls Labs անունով միջազգային մրցոյթ մը կայ հետազօտական, նորարարական գործարար եւ ընկերային նախաձեռնութիւններուն համար: Սեպտեմբեր 11-ին կը կայանայ Հայաստանի ազգային փուլը. յաղթողները կ’անցնին միջազգային փուլ: Իւրաքանչիւր մասնակիցի պիտի տրուի երեք վայրկեան ժամանակ իր գաղափարը ներկայացնելու համար: Վերջին պայմանաժամն է Օգոստոս 30-ը.
- «Հայկական անկախ համալսարան» նախաձեռնութեան մասին նախապէս գրած եմ. հիանալի ամառնային դպրոց մը կազմակերպեցին էքոնոմեթրիքսի եւ տուեալագիտութեան թեմաներով: Անցեալ շաբաթ յայտնեցին, որ կը բանակցին Տնտեսագիտական համալսարանի Գիւմրիի մասնաճիւղին եւ Արցախի համալսարանին հետ, որ որոշ դասընթացքներու մէջ մէկ կամ քանի մը թեմաներ իրենք դասաւանդեն, նաեւ աւարտական աշխատանքներուն համաղեկավար ըլլան: Կը կարծեմ, որ համատեղ աշխատելու շատ ճիշդ ձեւաչափ մըն է․
- Բարձր արհեստագիտութեան արդիւնաբերութեան նախարարութեան աջակցութեամբ իրականացող ոչ-շատ-սկսնակ մակարդակի դասընթացքներու ընդունելութիւնը շարք մը ուղղութիւններով կը շարունակուի․
- «Այբ» կրթական հիմնադրամը, Denovo Sciences ընկերութիւնը եւ FAST հիմնադրամը կը կազմակերպեն մէկուկէս ամիս տեւողութեամբ քիմինֆորմաթիքսի bootcamp. այս չափազանց կարեւոր ու հեռանկարային ոլորտ մըն է քիմիաբանութեան եւ համակարգչային գիտութիւններուն միջեւ․
- Պատերազմէն յետոյ ստեղծուած կրթական մէկ այլ նախաձեռնութիւն է rAcademy-ն. սկսած է երկրորդ փուլի ընդունելութիւնը: Թեմաներն են, ինչպէս առաջին փուլին, ինֆորմաթիքս (Digital thinking), ուսողութիւն եւ ծրագրաւորման հիմունքներ (Java).
- Սեպտեմբեր 1-էն սկսեալ «Թուային սերունդ» նախաձեռնութիւնը կը սկսի թուային գործիքներու (Office, Google Drive եւ այլն) դասընթացք մը, շատ աժան` 2900 դրամի արժէքով: Պէտք է հասնիլ անոր, որ ամբողջ բնակչութիւնը կարենայ այս բոլոր գործիքները անկաշկանդ օգտագործել․
- «ԱրիՊաս» նախաձեռնութիւնը, որուն նպատակն է գիւղերուն մէջ շրջող «օթօպիւս-դասարան» մը ունենալ, դրամահաւաք մը սկսած է․ Յիշեցնեմ, որ սա Teach For Armenia-ի շրջանաւարտներուն նախաձեռնութիւնն է:
- Ազրպէյճաներէնի մասնագիտացած կեդրոն մը ստեղծուած է, ALC անունով. կը սկսին առկայ ուսուցման դասեր «Smart Armenia» կազմակերպութեան հետ գործակցաբար․
- Աշխատանքի եւ ընկերային հարցերու նախարարութիւնը SoftConstruct-ին հետ յուշագիր մը կնքեց, ըստ որուն 100 բանակայիններ կը ստանան կրթութիւն ու կ’ապահովուին աշխատանքով: Ընկերութիւնը ամսական 80000 դրամ պիտի վճարէ բոլոր շահառուներուն ծրագիրին ամբողջ ընթացքին:
- Իմփրովիզ ընկերութիւնը յայտնեց, որ Գիւմրիի մէջ կը շարունակուին ողիմպիական խմբակին աշխատանքները․
- Աւարտեցաւ «Մարզերու երեխաները մարզերուն մէջ» նախաձեռնութեան 60 հոգիանոց ամառնային ճամբարը` կրթական, ռազմական, ժամանցային բովանդակութեամբ․
- Նոյեմբերեանի մէջ բացուեցաւ «Արմաթ» գիտաշխանոցի շրջանաւարտներուն կողմէ հիմնադրուած ProtoLab ընկերութիւնը, որուն համար քանի մը ամիս առաջ յաջող դրամահաւաք մը կատարուած էր: Ձեռք բերուած են եռաչափ տպիչներ, եւ Protolab-ը արդէն կրնայ եռաչափ տպագրութեան ապսպրանքներ ընդունիլ: Ցանկութիւն ունին զարգանալու դէպի ռոպոթաշինական արհեստագիտութիւն:
- Genesis Armenia հիմնադրամը կը հաւաքէ համակարգիչներ (նաեւ օգտագործուած): Արցախի Մարտունի քաղաքին մէջ աշակերտներուն համար կրթական ու աշխատանքային կեդրոն մը պիտի ստեղծուի: 50 համակարգիչ արդէն հաւաքած են․
- Վանաձորի Վահէ Մելիքսէթեանի անուան դպրոցի ենթակառուցուածքի նորոգութեան նպատակով դրամահաւաքը յաջողութեամբ աւարտեցաւ
- ԿԳՄՍ նախարարութիւնը յայտարարեց երիտասարդական դրամաշնորհ մը, շարք մը ուղղութիւններով․
- Երկրագործական արհեստագիտութեան սթարթափներուն համար հերթական երեք ամիս տեւողութեամբ incubational ծրագիրին վերջին պայմանաժամը կը մօտենայ․
- FAST-ի STAN հրեշտակներու ցանց»ը յայտնեց նոր հրեշտակ ներդրող» ներգրաւելու մասին․
- Յայտարարուեցաւ, որ Միացեալ Նահանգներու մէջ համագործակցութիւն մը սկսած է հայկական քանի մը գինիներ ներկայացնող Storica Wines ընկերութեան եւ ամերիկեան ցրուիչ մեծ ընկերութեան մը միջեւ: Հայկական արտադրանքի արտահանման նպաստող հետաքրքրական ձեւաչափ մըն է․ https://www.winebusiness.com/news/?go=getArticle&dataId=250011&
- Հրապարակուեցաւ SASTIC նախաձեռնութեան հերթական մեծ թարմացումը․ քանի որ բազմաթիւ անդամներ ֆիզիքապէս Հայաստան կը գտնուէին, մեծ թիւով հանդիպումներ ունեցած են․
- Աւարտեցաւ ՈՄԱ-ի հերթական տասնօրեայ եօթանասուն հոգիանոց հաւաքը Հանքաւանի մէջ․
Subscribe
0 Comments
Oldest