Picsart ընկերութիւնը 130 միլիոն ամերիկեան տոլարի ներդրում մը ապահոված է Softbank-էն եւ այլ մեծ հիմնադրամներէ: Այսպիսով, ընկերութիւնը կը գնահատուի շուրջ $1.5 միլիառ տոլար: Ասիկա առաջին դէպքն է, որ Հայաստանի մէջ ծնած արհեստագիտական ընկերութիւն մը կ’անցնի մէկ միլիառ տոլարի շուկայական արժէքը: Forbes երկար հարցազրոյց մը հրապարակեց Picsart-ի հիմնադիր Յովհաննէս Աւոյեանի հետ. https://www.forbes.com/sites/stevenbertoni/2021/08/26/picsart-is-techs-newest-unicorn—and-adobe-should-be-afraid/?sh=413212ad6673

Disqo ընկերութիւնը, որուն հիմնադիրները ամերիկաբնակ հայեր են եւ որուն հայաստանեան գրասենեակը արդէն շուրջ 100 աշխատակիցներ ունի, յայտարարեց 85 միլիոն ամերիկեան տոլարի ներդրում մը ներգրաւելու մասին. https://www.facebook.com/DISQOArmenia/posts/282911220306479

Heltun ընկերութիւնը, որ Հայաստանի մէջ կ’արտադրէ «խելացի տան» համակարգեր, յայտարարեց, որ ամերիկեան ընկերութեան մը հետ փորձնական ծրագիր մը կը սկսի Լաս Վեկասի հիւրանոցներուն մէջ իրենց սարքաւորումները տեղադրելու համար․ https://www.facebook.com/heltun.solutions/photos/a.744725635915805/1738584243196601

«Մանթաշով» ձեռներէցներու միութիւնը կ’աշխատի Լոս Անճելոսի մէջ մասնաճիւղ մը բանալ. հանդիպեր են Հայաստանի պատուոյ հիւպատոսին հետ․ https://www.facebook.com/photo/?fbid=4399506333428927&set=a.422349354477998

VINI նախաձեռնութիւնը, որուն նպատակը հայկական գինիներու հանրահռչակումն է, այս շաբաթ իր տարեդարձը նշեց խայտաբղէտ ձեւաչափով․ https://www.facebook.com/media/set/?vanity=YerevanYerevanciner&set=a.2996365780625237

Աշտարակի Ֆիզիքական հետազօտութիւններու ինսթիթութին մէջ մեկնարկեց Frontiers in Optics & Photonics գիտական դպրոցը, որ այս տարի կոչուած է Հրայր Ազիզբեկեանի անունով․ https://www.facebook.com/story.php?story_fbid=113768604346527&id=106871125036275

1 Սեպտեմբերին Գիտաւանի մէջ Երեւանի Ֆիզիքայի ինսթիթութը եւ «Գիտուժ» նախաձեռնութիւնը կայացուցին «Գիտելիքի օր»ուան նուիրուած մեծ ձեռնարկ մը․ https://www.facebook.com/events/1012636816155048/

Տեղի ունեցաւ «Մաթեմիկ ամառնային դպրոցին փակման արարողութիւնը. https://www.facebook.com/matemikngo/posts/172220338330194 : Միաժամանակ արդէն յայտարարուեցաւ եռամսեայ աշնանային դպրոց մը սկսելուն մասին: Դրամական աջակցութեան կարիքը ունին, հիմնականին մէջ աշակերտներուն համար համակարգիչներ ձեռք բերելու համար․ https://www.facebook.com/matemikngo/photos/a.112360007649561/173620188190209

«Քան ակադեմիա»ն համաշխարհային կրթական ցանց մըն է, որուն բովանդակութեան մէկ մասը «Այբ հիմնադրամին ջանքերով թարգմանուած է հայերէնի: Այս շաբաթ յայտնեցին, որ Հայաստանի խումբը կը շրջի դպրոցներ եւ աշակերտներուն ու ուսուցիչներուն ցոյց կու տայ հարթակին հնարաւորութիւնները․ https://www.facebook.com/KhanAcademyArmenia/posts/1470786023282002 Գործընթացը կը շարունակուի․ https://www.facebook.com/AraratianBaccalaureate/posts/2906572729560916

Աւարտեցաւ NPATAK ճարտարապետական ամառնային ճամբարը. բաւական դրական արձագանգներ նկատեցի․ https://www.facebook.com/AGBUArmenia/posts/1904617739701585

Գաւառ քաղաքին մէջ Luseen Technologies-ի եւ գործընկերներուն նախաձեռնած մէկ տարի տեւողութեամբ ուէպ եւ մոպայլ ծրագրաւորման դասընթացքը աւարտեցաւ․ https://www.facebook.com/LuseenITCenter/photos/a.127962027749491/963550917523927/

Վայքի մշակոյթի տան մէջ 13-էն վեր տարիքի աշակերտներու համար կը սկսի ռոպոթաշինութեան դասընթացք մը․ https://www.facebook.com/permalink.php?story_fbid=926734544544150&id=100016228392935

«Հաթերք Ֆուտ»ը սկսած է մեղուապահութեան առցանց դասընթացք մը: Եթէ ճիշդ հասկցայ՝ նախորդ դասերուն տեսագրութիւնները հասանելի են․ https://www.facebook.com/HaterkFood/posts/2741425942815894

Նկատեցի այլ նախաձեռնութիւն մը, որուն շրջանակներուն մէջ Հայաստանէն ուսուցիչները կ’աշխատին սփիւռքի մանուկներուն հետ: Յայտարարուած դասընթացքներու ցանկը բաւական լայն է․ ուսողութիւն, ծրագրաւորում, գիտութիւններ, արեւելահայերէն եւ արեւմտահայերէն, հայոց պատմութիւն, հայկական մշակոյթ եւ աւանդութիւններ, լեզուներ․ https://www.facebook.com/aplusacademyonline/photos/a.100281775722002/100302355719944/

«Գոլպա» գիտաշխանոցը կը շարունակէ վճարովի եռամսեայ վարժողական աշխատանք առաջարկել շարք մը մարզերու երիտասարդներուն համար: Շատ չեն տեղերը․ http://kolba.am/hy/paid-internship-rural-youth-women

ՈՄԱ-ն կը սկսի մարզիչներու պատրաստութեան հերթական դասընթացքը: Այս դասընթացքի շրջանաւարտները կրնան իրենց քաղաքներուն մէջ մասնաճիւղեր ղեկավարել․ https://www.facebook.com/vomacenter/posts/4365854616787248

Ռազմամարզական այլ խումբի մը համար դրամահաւաք սկսած է Ֆեյսպուքի մէջ․ https://www.facebook.com/donate/543451896716704/4232597023490838/

«Մշակութամէտ» նախաձեռնութիւնը, որ կը զբաղի սահմանամերձ բնակավայրերու մանուկներուն մշակութային կրթութեամբ, սկսած է իր երկրորդ կիսամեակի հաւաքները: Կը փնտռեն կամաւորներ․ https://www.facebook.com/photo/?fbid=1896014120575716&set=a.532979706879171

Արեւմտահայերէնի վերածեց՝ Վարդան Թաշճեան