 SASTIC նախաձեռնութեան հիմնադիրներն ու բազմաթիւ անդամներ Հայաստան կը գտնուին: Աշխոյժ հանդիպումներ ու հաւաքներ կ’ընեն, հարցազրոյցներ կու տան: Բոլոր մանրամասնութիւնները`

 Մոսկուայի հայ երիտասարդութեան համար ձեռնարկ մը տեղի ունեցաւ՝ հետաքրքրական խօսնակներով, որ կազմակերպուած էր նորաստեղծ Ideas for Armenia կառոյցին շնորհիւ: Նախաձեռնութեան նպատակը Մոսկուայի հայեըը միաւորելն է Հայաստանի զարգացման նիւթերու շուրջ․

IFA-ի կայքը․ https://ifa-talks.ru/

 Գիտութեան կոմիտէն յայտարարեց երկակի նշանակութեան ծրագիրներու մրցումը շահողներուն ցանկը: Պիտի ֆինանսաւորուին 12 նիւթեր․

 Գիտութեան կոմիտէի ֆեյսպուքեան էջին մէջ տեղադրուին նախորդ տարիներուն դրամաշնորհներ ստացած խումբերուն մասին տեսանիւթեր, որոնք կը ցուցադրուին Հ1-ով: Օրինակ, այս շաբաթ Մոլեգիւլային կենսաբանութեան ինսթիթութի խումբերէն մէկուն մասին էր․

 Ծաղկաձորի մէջ աւարտեցաւ 5-6-րդ դասարաններու աւելի քան 40 աշակերտներու համար կազմակերպուած ուսողութեան ամառնային դպրոցը, որուն մասնակիցներուն կէսը մարզերէն էին: Չափազանց տպաւորիչ միջոցառում մը եղած է, ու պէտք է մտածել, թէ ինչպէս ընդլայնել ծաւալները․

 Բաւական իւրայատուկ կրթական նախաձեռնութիւն մը կը սկսի, Buildup անունով: Արհեստագիտական նիւթերով քանի մը 16-շաբաթնոց դասընթացքներ պիտի ըլլան, ոչ-շատ սկսնակներու համար, bootcamp-ի ձեւաչափով:

 Գիւմրիի մէջ կը մեկնարկէ զերոյէն Java ծրագրաւորման դասընթացք մը.

 PicsArt-ը պատերազմի մասնակիցներուն համար դասընթացքներու ծրագիր մը սկսած է: Այս պահուն կը հրաւիրեն մասնագէտներ, որոնք պատրաստ են դասաւանդել այդ ծրագիրի շրջագիծին մէջ:

 «Վահէ Մելիքսէթեան» հիմնադրամը, որ կրթաթոշակներ կը յատկացնէ բժշկութեան ուսանողներու համար, զուգահեռաբար դրամահաւաք մը սկսած է՝ աւելի մեծ թիւով ուսանողներու աջակցութիւն տրամադրելու նպատակով․

 Աւարտեցաւ «Գիտարար» ամառնային դպրոցը, զոր կազմակերպած էին Բժշկական համալսարանի մասնագէտները՝ COBRAIN ծրագիրին շրջանակներուն մէջ․

 Երեւանի համալսարաններուն մէջ մարզերէն եկող ուսանողներուն բնակութեան տագնապը թեթեւցնելու համար ստեղծուած է «Ուսանողի տուն» նախաձեռնութիւնը: Այս ուսումնական տարուան ընդունելութիւնը արդէն սկսած է.

 Արցախի կրթութեան նախարարութիւնը հետաքրքրական ծրագիր մը սկսած է: Կը կազմակերպեն «Երկարօրեայ դպրոց» մը, որպէսզի աշակերտները օրուան աւելի մեծ մասը ներգրաւուին կրթական ու համայնքային զարգացման գործընթացներիուն: Այս տարի կը սկսին 20 դպրոցով, քանի մը տարիէն պիտի ընդգրկեն Արցախի բոլոր դպրոցները:

 Դիլիջանի կեդրոնական դպրոցին մէջ տեղի կ’ունենայ Fab համաժողով մը:

 Ռազմամարզական հաւաքներ կամ բանակումներ իրականացնող խումբերը կ’աւելնան: Անցեալ շաբաթ աչքիս զարկաւ «Փոքր Մհեր» անունով խումբը:

 «Սեւան Սթարթափ Սամիթի» խումբը նոր ձեւաչափ մը կը փորձարկէ. Արաբական Միացեալ Էմիրութիւններուն մէջ ծովափնեայ հաւաք մը տեղի պիտի ունենայ սթարթափներու շուրջ․

 Արհեստագիտական սթարթափներուն համար փայլուն հնարաւորութիւն է Պըրքլիի համալսարանի SkyDeck արագացուցիչ ծրագիրը: Հայաստանէն 5-6 ընկերութիւն տարբեր տարիներու մասնակցած է այդ ծրագիրին ու բոլորը շատ գոհ են: Յայտարարուեցաւ այս տարուան ընդունելութեան մասին․ https://starthub.am/startups/11443.html

 $200 հազար ներդրում ստանալու մասին յայտարարեց ChessMood ընկերութիւնը․

 Green Climate Fund-ը պատրաստ է քանի մը տասնեակ միլիոն տոլարի ներդրումներ եւ դրամաշնորհներ տրամադրել բնապահպանական ուղղուածութեան ծրագիրներու համար: Այս շաբաթներուն տեղակատուական հանդիպումներ կը կազմակերպեն, որպէսզի ընկերութիւններն ու խումբերը աւելի լաւ հասկնան, թէ ինչ հնարաւորութիւններ կան այստեղ:

 Կայացաւ հայկական արտադրանքի արտածման ուղղուած BuyArmenian հարթակի պաշտօնական բացումը:

 Յայտարարուեցաւ, որ Հոկտեմբեր 17-ին կը կայանայ Երեւանեան մարաթոնը.

 Մեր երկաթուղին ստացաւ երկու նոր արագընթաց ելեկտրագնացքներ

Արեւմտահայերէնի վերածեց՝ Վարդան Թաշճեան