Երիտասարդ գիտնականներու աջակցութեան ծրագիրը յայտարարեց, որ հին ծրագիր մը վերսկսած է․ միջազգային բարձրակարգ ամսագիրներուն մէջ յօդուածներ տպագրող երիտասարդ գիտնականները պիտի ստանան դրամական պարգեւ: Թերեւս առաջին անգամ ըլլալով, յատուկ ուշադրութեան պիտի արժանանան հայագիտական թեմաներով գիտական հրապարակումները․ https://www.facebook.com/yssp.am/photos/a.551868661934473/1273714759749856/

Գիտութեան կոմիտէն յայտարարեց, որ Հայաստանը Horizon Europe ծրագիրին միացնելու միտող բանակցութիւնները Եւրոպական Միութեան հետ աւարտած են: Horizon Europe-ը եւրոպական գիտութեան ֆինանսաւորման մեծագոյն համակարգն է, որմէ կրնան օգտուիլ հայաստանցի գիտնականները, բայց ուր ամէն ինչ շատ մրցակցային է ու դժուար հասանելի․ https://www.facebook.com/SciComm.Armenia/photos/a.2314107495320437/4583736211690876/

Լոռիի մարզի Լեռնապատ գիւղին մէջ կայացաւ «Հաւք 2021» մրցումը: Նպատակն էր տարբեր արտակարգ իրավիճակներու մէջ օգնող թռչող սարքեր ստեղծելը․ https://www.facebook.com/permalink.php?story_fbid=183048707270515&id=108898384685548 Քանի մը անուանցանկ կար, յաղթողներուն մասին կարելի է տեսնել հոս․ https://www.facebook.com/permalink.php?story_fbid=184569210451798&id=108898384685548 եւ https://www.facebook.com/photo/?fbid=4245509715574371&set=a.718798134912231

«Թումօ»ն յայտարարեց, որ մեկնարկած է «Թումօ Հայաստան» ծրագիրը: Կը նախատեսուի քանի մը տարուան ընթացքին հաւաքել 50 միլիոն ամերիկեան տոլար, որուն շնորհիւ պիտի կառուցուին 16 նոր «Թումօ» կեդրոններ եւ 110 «Թումօ տուփեր» Հայաստանի տարածքին: Եմենիճեան ընտանիքը արդէն տրամադրած է առաջին 10 միլիոնը: https://www.facebook.com/tumocenter/videos/2954038894913181/

«Այաս» տիեզերագիտական ընկերութիւնը կը հրաւիրէ 6-10-րդ դասարանի աշակերտները մասնակցելու տիեզերագիտական արտադպրոցական խմբակին: Խմբակը պիտի գործէ Քվանթ դպրոցին մէջ, ամէն Կիրակի, երկու ժամ տեւողութեամբ․ https://www.facebook.com/ayasspace/photos/a.436145456430796/4454206421291326/

Tumo Labs-ին մէջ յաջողութեամբ կը շարունակուի Օqni նախաձեռնութեան շրջագիծին մէջ մշակուած ծրագիրը: Ուսանողները ցուցադրած են փրոթեզներու երեք տեսակի պատեաններ, որոնցմէ մէկը ծրագրին յաջորդ փուլին պիտի մշակուի մինչեւ իր վերջնական տեսքը ստանալը․ https://www.facebook.com/tumolabs/posts/386578139602497

TriClub Yerevan ակումբը յայտարարեց, որ ակումբի մասնակիցներու վերջերս կայացած հեծելարշաւի մրցումէն գոյացած գումարները պիտի փոխանցուին «ՄարզIQ» նախաձեռնութեան ֆոնտին: «ՄարզIQ»-ին մասին նախապէս գրած եմ․ մարզերուն մէջ կը ստեղծեն վազքի խմբակներ դպրոցականներուն համար ու Մայիսի վերջը կայացող վազքի մրցումին յաղթողները կը ստանան մէկ տարուան կրթանպաստ որեւէ համալսարանի մէջ առաջին տարուան համար․ https://www.facebook.com/groups/1426530470937097

Փոլիթեքնիքի ուսանողական խորհուրդը «Ծրագրաւորողի օր»ուան առիթով հետաքրքրական միջոցառում մը  կազմակերպած էր, որուն հրաւիրած էին նաեւ Ռուբէն Մեսչեանը: Ամփոփիչ հոլովակը կարելի է դիտել այստեղ․ https://www.facebook.com/polytechSC/videos/227814085972837/

AeroDynamics ընկերութիւնը ճարտարագիտական մասնագիտութեամբ երիտասարդները կը հրաւիրէ վճարովի փորձնական աշխատանքի․ https://www.facebook.com/AeroDynamicsArmenia/posts/223603486482014

ՈՄԱ-ն հերթական տասնօրեայ հաւաքը սկսաւ․ https://www.facebook.com/vomacenter/posts/4415338005172242

Չեսիֆա ընկերութիւնը յայտարարեց, որ աշխարհահռչակ ճատրակի վարպետ Անիշ Կիրին դարձած է Չեսիֆայի դեսպանը․ https://www.facebook.com/chessify.me/posts/1209972922835000

CodeSignal ընկերութիւնը, որ հիմնուած է Ամերիկայի մէջ բնակող Տիգրան Սլոյեանի եւ Հայաստանէն Արամ Շատախցեանի կողմէ, հերթական մեծ ներդրումը ստացաւ: 50 միլիոն ամերիկեան տոլար ներգրաւուեցաւ Index Ventures-էն եւ շարք մը այլ ֆոնտերէ: Ընկերութիւնը արդէն կը գնահատուի մօտ կէս միլիար տոլար. https://www.facebook.com/photo/?fbid=2129712780501552&set=a.610743222398523 https://www.facebook.com/vahankerobian/posts/343859400606149