• Յայտարարուեցաւ Հայաստանի մանուկներու առողջութեան հիմնադրամին ստեղծումը: Հիմնադիր Արմէն Մարտիրոսեանի երկար տարիներու աշխատանքը, որուն շնորհիւ փրկուած են քանի մը հարիւր երեխաներու կեանքեր, այսպիսով կը ստանայ հաստատութեան տեսք: Նպատակ կայ ծանր առողջական խնդիրներ ունեցող երեխաներու աջակցութիւնը հասցնել բոլորովին այլ՝ բարձր մակարդակի: Նման կազմակերպուած կառոյցներն են, որ պիտի դառնան այս երկրի ողնաշարը.

• ՈՄԱ-ն («Ողջ Մնալու Արուեստը» ոչ-կառավարական կազմակերպութիւն) ամփոփեց վերջին ամսուան գործունէութիւնը․ բաւական տպաւորիչ է՝ 200 հոգիանոց ուսումնամարզական հաւաք, պաշտպանական նշանակութեան շինարարական աշխատանքներ Սիւնիքի գիւղերուն մէջ եւ այլն: Ահաւասիկ կանոնաւոր պատրաստուած հաշուետւութիւնը․

• Յունիս 5-ին տեղի ունեցաւ United AIO միջոցառումը, որուն նպատակներէն մէկը տարբեր հայկական նախաձեռնութիւններ համակարգելն էր: Չեմ կրցած մասնակցիլ, ու աղբիւր չեմ գտներ, թէ ինչպէս ընթացած է: Եթէ մասնակցած էք, պատմեցէք. օրակարգը հետաքրքրական կ՛երեւէր.

https://unitedaio.org/agenda-intro/

• Ընթացքի մէջ են կառավարութեան կողմէ բաժնետիրական ընկերութիւններուն վերաբերեալ օրէնքներն ու կարգերը թարմացնելու աշխատանքները: Ի թիւս այլ փոփոխութիւններու, կը կանոնաւորուին աշխատողներուն բաժնեմաս տալու հնարաւորութիւնները: Ազգային Ժողովը ընդունեց համապատասխան օրէնքի փոփոխութիւնները.

• Կրթական ճակատէն.աւարտեցաւ Հայկական անկախ համալսարան կոչուող նորաստեղծ կառոյցին կազմակերպած  ամառնային դպրոցի դիմումներուն ժամկէտը: Պարզուեցաւ, որ դիմողներու 40%ը Հնդկաստանէն են…մտեր են, տեսեր են լաւ առցանց ամառնային դպրոց է, գրանցուեր են: Մօտ 90 հոգի դիմած են Հայաստանէն.

https://sites.google.com/…/summer-school-june-28-july-9…

• Հայաստանի «Առաջատար տեխնոլոգիաներու ձեռնարկություններու միութիւն»ը (ԱՏՁՄ) կը նախատեսէ ստեղծել «Արմաթն օդում» գիտաշխանոցներ, ուր աշակերտները կրնան ծանօթանալ անօդաչու սարքերու ստեղծման ու կառավարման գործին: Դիլիջանի մէջ, Մոնթէ Մելքոնեանի անուան վարժարանին մէջ բացուեցեցաւ առաջին գիտաշխանոցը.

420

Գիտաշխանոցի սարքերէն մէկը կ՛արտադրուի Գորիսի «Օկմենթար»ին մէջ.

• Կը յիշէք  DRONE EDULAB-ը, որուն համար ամբողջ Ֆեյսպուքով գումար կը հաւաքէինք․ արդէն աշակերտներու չորրորդ խումբը կը կազմակերպուի.

https://www.facebook.com/…/a.112506927…/182421297126724/

• Նախաձեռնութիւն մը եւս վիրաւոր զինուորներու կրթութեան համար․ Pontem Lab

Ըստ այս գրառման, կը փնտռեն ուսողութիւն եւ Python լեզու դասաւանդողներ.

• Հայ կրթական հիմնարկութիւնը յայտարարեց, որ $3000-ի չափով կրթաթոշակներ պիտի շնորհէ Մ. Նահանգներու մէջ  համալսարաններ ընդունուած հայազգի ուսանողներուն.

https://www.facebook.com/…/a.53741374…/3955501844563696/

• Հետաքրքրական նախաձեռնութիւն մը նկատեցի․ դպրոցականներու եւ ուսանողներու համար կը կազմակերպուին հանդիպումներ գիտնականներու եւ արուեստի գործիչներու հետ․

https://www.facebook.com/…/a.824462971…/824448024868082/

• Հայաստանի Սլաւոնական համալսարանը յայտնեց, որ 10-րդ դասարանի աշակերտներու համար ֆիզիքաարհեստագիտական եւ քիմիակենսաբանական ուղղութիւններով յատուկ դասարաններ պիտի ձեւաւորէ:

Ընդհանրապէս այս թեմաներուն նկատմամբ հետաքրքրութիւնը վտանգաւոր աստիճանի քիչ է աշակերտներու շրջանակին մէջ, ու այս տեսակ նախաձեռնութիւնները շատ ողջունելի են.

https://www.facebook.com/…/a.64862119…/2287337824730237/

• Փարատիկմա կրթական հիմնադրամը EVN Report-ի հետ կը սկսի նոր podcast մը, կրթութեան թեմաներով. հաւանաբար մօտ օրերս կը հրապարակուի առաջին  հաղորդումը.

https://www.facebook.com/…/a.23060064…/2985035688406546/

• ՀՀ Սփիւռքի յանձնակատարի գրասենեակը սկսած է ամէն ամիս հետաքրքրական newsletter-ներ ուղարկել: Վերջին նամակէն իմացայ, որ Repat Armenia-ի հետ կազմեր են ամառնային դպրոցներու եւ ճամբարներու ցուցակ մը. կրնան մասնակցիլ Սփիւռքէն մանուկներ եւ պատանիներ: Շատ տպաւորիչ ցուցակ է․

https://docs.google.com/…/1S7ypD42dAyeGI32v…/edit

• Մասնագիտական համայնքներէն. Յուլիս 17-ին կը կայանայ JSConf խորհրդաժողովը` Javascript ծրագրաւորողներու համար: Այս, հաւանաբար մասնագիտական մեծագոյն «նեղ» ուղղուածութեան ծրագրաւորման խորհրդաժողովն է Հայաստանի մէջ.

• ISTC-ն եւ CyHub-ը կը սկսին devops թեմաներով մասնագիտական հանդիպումներու նոր շարք մը․

• Յունիս 10-ին, Team Time-ին մէջ կը կայանայ արտահանման թեմայով քննարկում մը, որ աստիճանաբար կը դառնայ իմ ամենասիրելի թեման:

• ԻՐԻՍ անունով business incubator կայ, որ գիտելիքով եւ նիւթապէս կ՛օգնէ նոր սկսող գործարարներուն. դիմումներ կ՛ընդունուին մինչեւ Յունիսի վերջ.

• Զինուորի տան մէջ ձեւաւորուած է ընկերութիւն մը, որ կը զբաղի զինուորներու ստեղծած արուեստի գործերու վաճառքով. կրնաք հետեւեիլ էջին.

 

• Ազնաւուր հիմնադրամը բոլոր տարիներուն վիրաւորուած զինուորներուն համար գործի նիւթական օժանդակութիւն յայտարարեց․

https://www.facebook.com/…/a.32862496…/1099925760416875/

• Ստեփանակերտի մէջ, Մայիս 28-30 ggRace մը տեղի ունեցաւ, երբ տարբեր մարդիկ gg վարեցին ու հաւաքուած գումարը նուիրուեցին լաւ գործի մը:

Հրանդ Խաչատրեան

Արեւմտահայերէնի վերածեց Վարդան Թաշճեան