 Krisp ընկերութիւնը եւ Երեւանի պետական համալսարանը Յուլիս 14-ին յուշագիր մը ստորագրեցին արուեստական բանականութեան վերաբերեալ գիտակրթական գիտաշխանոց մը հիմնելու մասին․ https://facebook.com/artavazd.minasyan/posts/10224279327878376 Ընկերութիւններու աջակցութեամբ համալսարաններու մէջ նման գիտաշխանոցներ ստեղծելը չափազանց կարեւոր է եւ շատ հաճելի է, որ ԵՊՀ-ին մէջ սառոյցը կը կոտրուի: Սա փայլուն նախադէպ կրնայ դառնալ:

 Յուլիս 28-ին Սլաւոնական համալսարանին մէջ, Պայծառ Մանթաշեանը պատմեց Horizon Europe ծրագիրէն օգտուելու հնարաւորութիւններուն մասին: https://www.facebook.com/RAUOfficial/photos/a.648621191935250/2330322463765106/ Իմ (դեռ ոչ արհեստավարժ) կարծիքովս, Հայաստանը գիտութեան ֆինանսաւորման եւրոպական հասանելի մեքանիզմներու շատ փոքր մասէն կ’օգտուի. նման հանդիպումներն ու գիտելիքի տարածումը շատ կարեւոր են:

 Բժշկական համալսարանը (նաեւ Horizon-ի դրամաշնորհի միջոցով) կը ստեղծէ Ուղեղի հետազօտութեան կեդրոն: Այս շաբաթ յայտարարուեցաւ, որ FAST-ը եւ Միացեալ Նահանգներու մէջ աշխատող հանրայայտ գիտնական Վանիա Աբգարեանի հաստատած հիմնադրամը երկու բարձրագոյն ուսման կրթաթոշակ պիտի յայտարարեն ջղագիտութեան ոլորտին մէջ այդ կեդրոնին մէջ աշխատաելու համար, ամսական $500 աշխատավարձով: https://www.facebook.com/sen.matinyan/posts/3898078510301426 https://www.facebook.com/COBRAINArmenia/photos/a.181828233215294/646524530078993/ Շատ ճիշդ ձեւաչափ կը համարեմ, զոր պէտք է տարածել այլ ոլորտներ:

 Pieris հիմնադրամը, որ, եթէ ճիշդ կը հասկնամ, ստեղծուած է պատերազմէն յետոյ, Ալիխանեանի անուան ինսթիթութին մէջ գիտաշխանոց կը ստեղծէ․ https://www.youtube.com/watch?&v=WbZR8iSFR_0&feature=youtu.be

 Յուլիս 22-ին մեկնարկեց Գիտուժ նախաձեռնութեան, ԵՊՀ լրագրութեան ֆաքուլդեդի եւ ISTC-ի համատեղ «Գիտական եւ արհեստագիտական լրագրութիւն» պութքեմփը․ https://www.facebook.com/gituzh.am/posts/2062335047253348

 «Կլոպալ Պրիճ» դպրոցին մէջ, Գիտուժի եւ «Մէկ ձայն» ընկերակցութեան նախաձեռնութեամբ կայացաւ հանդիպում մը բնագէտներ Արթուր Ապրեսեանի եւ Պայծառ Մուրատեանի հետ․ https://www.facebook.com/onevoiceassociation/posts/139811731600269

 «Ձեռնարկութիւններու ինգուպադոր հիմնադրամը» PMIScience-ի աջակցութեամբ այնքան ծրագիրներ կը կատարէ, որ որոշած են շաբաթական newsletter պատրաստել կատարուող ծրագիրներու թարմացումներուն մասին․ https://www.facebook.com/EnterpriseIncubatorFoundation/photos/a.266723890014910/4259130667440859/

 Արմաթ գիտաշխանոցներուն համար կը փնտռեն խմբավարներ քանի մը գիւղերու մէջ․ https://www.facebook.com/ArmathEngineeringLaboratories/photos/a.1608094666174525/2929173294066649/ https://armath.am/hy/career?

 «Ինսթիկեյթ կիսահաղորդիչներ» ընկերութիւնը FPGA-ի առընչուող աշխատատեղեր ունի Գիւմրիի եւ Վանաձորի մէջ https://www.facebook.com/photo/?fbid=10159318189469049&set=a.495965264048

 Google Developers Group Yerevan-ը EPAM Armenia-ին հետ Օգոստոս 1-ին ձեռնարկ մը կը կազմակերպէ Գիւմրիի մէջ. https://www.facebook.com/gdgyerevan/photos/a.179170935432752/4787848821231584/

 ՆՊԱՏԱԿ անունով նորաստեղծ հարթակը կը կազմակերպէ «ճարտարապետական ամառնային սթուտիօ» մը, երկու շաբաթանոց կրթական ծրագիր, որուն կրնան մասնակցիլ ճարտարապետութեան եւ քաղաքաշինութեան համալսարանական բարձր կարգերու ուսանողներ եւ շրջանաւարտներ․ https://www.facebook.com/NpatakPlatform/photos/a.332420395220845/332423685220516/

 Վարդան Պետրոսեանը յայտնեց, որ Տաւուշի գիւղերուն եւ քաղաքներուն մէջ ներկայացումներով հանդէս պիտի գայ, որմէ հաւաքուող գումարը պիտի տրամադրուի «Մշակութամէտ» կոչուող նախաձեռնութեան․ https://www.facebook.com/VartanPetrossianOfficiel/posts/371369127690122

 «Բարձունք»էն երկու փոքր ծրագիրներու թարմացումներ եղան․ ընկերային նախագիծ, որով կեցութեան խնդիրներ ունեցող պատերազմի մասնակիցներուն փոքր դրամական օգնութիւն կու տան https://www.facebook.com/bardzunk/posts/285584343364331 եւ «Կարի մեքենաներ մարզերու դպրոցներուն» նախագիծը, որով Արմաւիրի մէկ դպրոցին նուիրած են կարի մեքենայ մը․ https://www.facebook.com/bardzunk/posts/286430249946407 Վարդենիսի քանի մը դպրոցներ կարգի մէջ են:

 «Զինուորի Տուն»ը եւ «Ազնաւուր» հիմնադրամը մրցոյթ յայտարարած էին վիրաւոր զինուորներու գործարար ծրագիրներ ֆինանսաւորելու համար: Այս շաբաթ յայտնեցին, որ 7 զինուորներու գործարար նախագիծեր դրամաշնորհ պիտի ստանան 14մլն դրամ ընդհանուր գումարով: https://www.facebook.com/haykuhi.minasyan.9/posts/4488313811233683 Իմ տեղեկութիւններովս, ֆինանսաւորման արժանի նախագիծերը էապէս աւելի շատ են, այնպէս որ եթէ գիտէք ֆինանսաւորման աղբիւրներ նման գործերուն աջակցելու համար, գրեցէք «Ազնաւուր» հիմնադրամին կամ «Զինուորի Տուն»:

 Արտաշատի ՈՄԱ-ն կը փնտռէ հրահանգիչներ: Պատերազմին մարմնի անդամ կորսնցուցած զինուոր մը որոշած է միանալ փրոթեզաւորումէն յետոյ, բայց մինչ այդ ալ պէտք է գտնել․ https://www.facebook.com/vomaartashat/posts/120829523594898

 Ներդրումային աշխարհի գլխաւոր լուրը․ SoloLearn ընկերութիւնը, որ ծրագրաւորման ուսուցման բջիջային յաւելուածներ կը սարքէ, 24 մլն ԱՄՏ ներդրում ստացաւ ամերիկեան հիմնադրամներէն https://techcrunch.com/2021/07/21/sololearn-raises-24m-for-its-bite-sized-duolingo-like-mobile-first-coding-education-app/ SoloLearn-ը այն ընկերութիւններէն է, որոնց արտադրանքը շատերը Հայաստանի մէջ կ’օգտագործեն առանց ենթադրելու, որ Հայաստանի մէջ կը մշակուին :

 Կայացաւ Entrepreneurship World Cup-ի հայաստանեան եզրափակիչը․ https://www.facebook.com/upArmenia/photos/a.978807435489274/4232419940127991/ Հետաքրքրական է, որ նոյնիսկ պաշտօնական էջին մէջ դեռ գրուած չէ, թէ որոնք շահած են : Իրականութեան մէջ, յաղթած են Idea stage-ին մէջ` ROBODEL ընկերութիւնը, որ ռոպոթաշինութեան ոլորտին մէջ կը գործէ, Early stage-ին մէջ` MedPoint ընկերութիւնը, որ եթէ չեմ սխալիր, հիւանդութեան մը ախտորոշման նոր մեթոտ մը կը մշակէ, Growth Stage-ին մէջ` Zoomerang-ը, որ կարճ վիտէոներ սարքելու եւ տարածելու արդէն բաւական հանրայայտ բջիջային յաւելուած է: Համաշխարհային եզրափակիչին կը մասնակցեն Zoomerang-ը եւ հիմնական յաղթող Denovo Sciences-ը, որ դեղերու նախագծման ոլորտին մէջ կը գործէ:

 SAP Startup Factory-ն, որ B2B սթարթափներու համար նորաբաց «արագացուցիչ» է, կ’ընդունի յայտեր. https://www.facebook.com/SAPStartupFactory/posts/133514252255238

 EV Consulting-ը (որ վերջերս վաճառուեցաւ/միաւորուեցաւ եւրոպական Սիվիդդա հիմնադրամին հետ) «Բաժնետիրական դրամագլուխին մէջ ներդրումներու սկզբունքները» անունով անվճար առցանց դասընթացք կը կազմակերպէ ընկերութիւններու ղեկավարներուն եւ ֆինանսական պատասխանատուներուն համար. https://www.facebook.com/EVConsulting/posts/10158509706617087

 Կը սկսի ImpactAim ANAU AgriTech Accelerator-ի 4-րդ շրջափուլը, որուն նպատակն է աջակցիլ գիւղատնտեսական արհեստագիտութիւններով զբաղող ընկերութիւններուն․ https://www.facebook.com/AgriTech/photos/a.111377163890166/364623188565561/

 Վայոց Ձորի եւ Շիրակի մարզերուն մէջ կը կազմակերպուի արտահանման վերաբերեալ դպրոց մը՝ գործատէրերու, տնօրէններու, արտահանման կառավարիչներու համար. https://www.facebook.com/armcci/photos/a.649340092081856/1428863630796161/

Արեւմտահայերէնի վերածեց՝ Վարդան Թաշճեան