Եղիշէ Չարենցի տունթանգարանի հիմնադրութեան 60 եւ բացման 50-ամեակի յոբելեանները կը նշուին նաեւ տիեզերքի մէջ։

Թանգարանէն կը տեղեկացնեն, թէ Ս. Փեթերսպուրկ բնակող բարերար Հրաչեայ Պօղոսեանի միջնորդութեամբ, Ղազախստանի Պայքոնուր քաղաքի տիեզերակայանէն անջրպետ ուղարկուած է աշխարհի 35 լեզուներով թարգմանուած եւ Չարենց ընտանիքին կողմէ հրատարակուած «Ես իմ անուշ Հայաստանի» գիրքը։

«Խորհրդանշական է, որ թանգարանի յոբելեանը «կը տիեզերականացուի» Չարենցեան բառի եւ սարեանական գոյներու միասնութեամբ»,– կը նշէ թանգարանին Facebook-ի էջը։