«Ազդակ», 1/3/2024

            ***Մեզի ստիպեն հրաժարիլ մեր բռնած ուղիէն (էջ 1):

            —Ստիպել ներգործական բայ է եւ հայցական հոլով խնդիր կը պահանջէ. ուրեմն՝

               «Մեզ ստիպեն հրաժարելու…»:

            ***Շաբաթներու վրայ երկարին՝ երկարատեւ կայունութիւն իրականացնել կարե-նալու համար (էջ 8): 

            —Կրկնաբանութիւնը շատ պզտիկ ճիգով եւ բարիկամեցողութեամբ կը դարմանուի. օրինակ՝

               «Շաբաթներու վրայ երկարին՝ մնայուն կայունութիւն իրականացնել կարենալու համար»: 

            ***Հապիպ  հանդիպում ունեցաւ թուրք իր պաշտօնակիցին հետ (էջ 2):

            —Յատկացուցիչը հայեցի առողջ մտածողութիւն ունեցողին  ուղեղին մէջ որոշիչէն առաջ կու գայ, կը գրուի.

            —Հապիպ հանդիպում ունեցաւ  իր թուրք պաշտօնակիցին հետ:

            Այլ օրինակներ՝

 –Իմ սուրբ հայրենիք
–Մեր մայր հողը
–Քու ծաղկած նշենիդ
–Թորոսին պզտիկ եղբայրը
–Մարկոսին կարմիր գլխարկը
–Քաղաքի աղմկոտ փողոցները
–Պըրրիի գլխարկին նապաստակները

            ***Հապիպ շնորհակալութիւն յայտնեց  Իրաքի՝ Լիբանանին  նաւթով օժանդակելու եւ անոր տագնապը մեղմացնելու համար:

            —Արեւելահյերէնը, աւելի ճիշդը՝ ռուսերէնը,  սկսած է դուրս մղել արեւմտահայ մտածողութիւնը, որ կը պահանջէ ըսել՝

            «Հապիպ շնորհակալութիւն յայտնեց  Իրաքի՝ Լիբանանին  նաւթով օժանդակելուն եւ անոր տագնապը մեղմացնելուն համար»:

            Այլ խօսքով՝ արեւմտահայերէնը դերբայը այս պարագային կ’օժտէ դիմորոշ յօդով՝ «ն»-ով: Արեւելահայերէնը այդշ «ն» յօդը այդտեղ չի կրնար դնել, եւ այս խօսքը երկիմաստ կը մնայ՝ պատճառի եւ նպատախկի միջեւ: Ռուսերէնի մտածողութիւնը ապականած ու ամորձատած է արեւելահայ միտքը, որ չի զանաներ պատճառն ու նպատակը:

                                                                                                                                                    Ա.  Ե.