5-11 Օգոստոս 2024-ին, Պուլկարիոյ Պլակոեւկրատ (Blagoevgrad) քաղաքին տեղի ունեցած ուսողութեան (31st International Mathematics Competition for University Students) 31-րդ միջազգային մրցոյթին, հայ աշակերտները նուաճած են չորս ոսկի եւ մէկ արծաթ մետալ, կը յայտնէ Հայստանի Կրթութեան նախարարութիւնը։

Մրցոյթին մասնակցած է 401 ուսանող աշխարհի 78 համալսարաններէ։

Երեւանի պետական ​​համալսարանէն (ԵՊՀ) Հայաստանի հաւաքականը ներկայացուցած են Վահագն Յովհաննիսեան, Հայկ Կարապետեան, Արման Ֆահրադեան, Ռուբէն Համբարձումեան եւ Համլետ Պետրոսեան։ Պետրոսեան նուաճած է արծաթ, իսկ խմբակիցները՝ ոսկի։

ԵՊՀ-ի հաւաքականը խմբային դասաւորման մէջ գրաւած է 8-րդ դիրքը։

Հաւաքականը գլխաւորած է Կարէն Քեռեան, որ մարզած է զանոնք՝ միասնաբար Վազգէն Միքայէլեանի, Ալպերթ Գեւորգեանի եւ Տիգրան Յակոբեանի։ Քեռեան եւ Յակոբեան հեղինակած են նաեւ մրցոյթին տասը խնդիրներէն երկուքը։