Արհեստագիտական համաշխարհային խանգարում մը ուրբաթ օր դադրեցուց թռիչքներ, հարուածեց դրամատնային գործառնութիւններ եւ խափանեց լրատուամիջոցներ՝ CrowdStrike համացանցային (cyber) ապահովութեան ընկերութեան կողմէ ծրագրային սխալ վերաթարմացման հետեւանքով: Վերաթարմացումը ազդած է Microsoft Windows-ով աշխատող համակարգիչներուն, սակայն միջադէպեր կամ cyberյարձակում չէ պատահած: Հակառակ շատ արագ վերանորոգման ճիգերուն, խափանումները յամեցան եւ աւելի վատթարացան:

Երկար հերթեր գոյացան Միացեալ Նահանգներու, Եւրոպայի եւ Ասիոյ օդակայաններուն մէջ, որովհետեւ օդանաւային ընկերութիւնները չկրցան ստուգել տոմսերու արձանագրութիւններն ու տեղերու ապահովման համացանցային ծառայութիւններու պատկերը՝ ամառային խճողուած ճամբորդութիւններու այս եղանակին: Հիւանդանոցներն ու բժիշկներու գրասենեակները դէմ յանդիման գտնուեցան ժամադրութիւններու ապահովման համակարգին առնչուած խնդիրներու, որու հետեւանքով բազմաթիւ գործողութիւններ յետաձգուեցան:

Տուժողներու շարքին են մարզիկներ ու մարզասէրներ, որոնք կ’ուղղուէին դէպի Փարիզի Ողիմպիական խաղերը:

Microsoft արագ միջամտեց լուծելու խախտումները, իսկ CrowdStrike յայտարարեց, որ պատահածը cyber յարձակում չէ եւ հարցերը կը լուծուին շուտով: