Նայիրի Շորճեան Սիսեռեան հոգեբանութեան նախաւարտական ծրագիրը ամբողջացուցած է Պէյրութի Հայկազեան Համալսարանին մէջ, ապա յետաւարտական բարձրագոյն կրթութեան ծրագրով մասնագիտացած է քաղաքական գիտութեան մէջ, Հայաստանի Ամերիկեան Համալսարանին մէջ: Ինչպէս ինք կ’ըսէ՝ այս երկու մասնագիտութիւններուն հատման կէտը իր նախասիրած ոլորտն է։ Հաստատուած Երեւանի մէջ, ներկայիս կ՚աշխատի որպէս հոգեբան եւ ծրագրի ղեկավար:
Եթէ մեր կայացուցած որոշումներուն հետեւանքով մեր կեանքն ու միջավայրը կը դառնան աւելի անկանխատեսելի, ապա պէտք է վերատեսութեան ենթարկել մեր մտքերուն մէջ տեղի ունեցող գործընթացները եւ որոշում կայացնելու մեր անհատական մշակոյթը։