«Ով որ մերօրեայ ուսումնական ծրագիրի քաոսէն ընտրէ հարիւր ամենավատ գիրքերը եւ հրապարակէ անոնց ցուցակը, աճող սերունդին իսկական ու յարատեւ օգուտ մը կը շնորհէ:»
Էլֆիք Զoհրապեան հեքիաթագիր է, Լ. Շանթի անուան մրցանակի դափնեկիր թատերագիր, բանասիրական գիտութիւններու թեկնածու, թատրոնի եւ սինեմայի դերասան, Երեւանի թատրոնի և սինեմայի պետական հիմնարկի Վանաձորի մասնաճիւղի տնօրէն: Թարգմանած է անգլիագիր շարք մը հեղինակներու գործեր: 2012-ին անոր թարգմանութեամբ, գիտական յօդուածներով եւ ծանօթագրութիւններով հայերէնով մէկ գիրքով առաջին անգամ լոյս տեսաւ Ու. Սարոյեանի «Բան ունեմ ասելու» թատերախաղերու ժողովածուն, 2013-ին՝ «Հոգեվիճակ 13» պատմուածքներու եւ երգիծապատումներու գիրքը: Բազմաթիւ մրցանակներու արժանացած անոր հեքիաթներու` «Բիւրեղապակէ մարդը» գիրքը 2018-ին համարուեցաւ «ամենապահանջարկ ունեցող հայկական հեքիաթներու գիրքը»: 2019-ին լոյս տեսաւ Է. Զոհրաբեանի «Թեթեւ տարեք» բազմաժանր ու թարմաշունչ թատերախաղերու ժողովածուն: Անոր թատերախաղերը կը բեմադրուին Հայաստանի եւ արտերկրի տարբեր թատրոններուն մէջ:
«Ով որ մերօրեայ ուսումնական ծրագիրի քաոսէն ընտրէ հարիւր ամենավատ գիրքերը եւ հրապարակէ անոնց ցուցակը, աճող սերունդին իսկական ու յարատեւ օգուտ մը կը շնորհէ:»