…Պէտք է սիրել ան-պատճառ,
Սէրը չունի մի պատճառ,
Որ մտածես խելագար՝
Ինչո՞ւ սիրել անդադար։
Սիրե՜լ, սիրե՜լ պարզապէս՝
Մէկ պատճառով յայտնապէս,
Որ սիրելը այս կեանքում
Չունի պատճառ սիրելու,
Այլ լոկ սիրել անպատճառ
Եւ չորոնել այլ պատճառ…
Արշաւիր Գաբուճեան
Արշաւիր Գաբուճեան հեղինակ է բանաստեղծութիւններու եւ արձակ գրութիւններու ութ հատորներու եւ եկեղեցագիտական մէկ աշխատասիրութեան: Միշտ կ՛ուզէ հաստատել, որ որպէս գրող իր կազմաւորման վրայ մեծագոյն եւ բախտորոշ ազդեցութիւնը գործած է բանաստեղծ Մուշեղ Իշխան, որուն աշակերտած է Կիլիկիոյ Կաթողիկոսութեան Դպրեվանքին մէջ, Լիբանան: Այժմ Ծրագիրներու Տնօրէնն է Հայաստանի Աստուածաշնչեան Ընկերութեան, որուն շրջանակին մէջ կը ղեկավարէ հրատարակչական, կրթական եւ ընկերային-բարեսիրական գործունէութիւն, առանձնակի ուշադրութիւն նուիրելով Հայաստանի սահմանամերձ գիւղերու բնակիչներու, հայոց բանակի զինուորներու, պատերազմէն տուժածներու, ազատազրկուածներու եւ յատուկ կարիք ունեցող մարդոց հոգեմտաւոր զարգացման, իր ձեւակերպումով՝ “Աստուծոյ խօսքը տարածելու համար միշտ ու ամենուր”: