Մէկ տարի ընդմիջումէ ետք, դարձեալ կայացաւ «Պարքեմփ»ը. կազմակերպիչները «ամեն ինչ» ըրած էին, որ շատ մարդ չգայ՝ Քովիտի պայմաններուն մէջ, հիւրընկալող հաստատութիւնը մեծ հաւաքի վտանգներէն չանհանգստացնելու համար, բայց 1500-է աւելի մարդ մարդ միացաւ (մօտ երկու անգամ աւելի քիչ, քան 2019-ին): Կը կարծեմ, որ շատ օգտակար էր. միա՛յն ես շուրջ 30 նոր ծանօթութիւն կազմակերպեցի տարբեր բարեկամներուս միջեւ:

«Պարքեմփ»ի տպաւորիչ հատուածներէն էր «Գիտուժ»ի վերաբերեալ քննարկումը, որուն միացաւ MIT-էն Արեգ Տանակուլեանը եւ ներկայացուց MISTI ծրագիրը, որուն միջոցով կարելի է տարբեր ձեւաչափերով համագործակցութիւն հաստատել MIT-ի գիտական խումբերուն հետ:

https://misti.mit.edu/

• «Պարքեմփ»ին մէջ նաեւ յայտարարուեցաւ Armenian Model Rocketry Association-ին մասին: Կը նախատեսուի այս տարի երկու դպրոցներու մէջ հիմնել հրթիռաշինական խմբակներ, ի յաւելումն «Քվանտ» դպրոցին մէջ շատոնց գործող խմբակին: Ընկերակցութիւնը հիանալի հոգաբարձուներու խորհուրդ ձեւաւորած է ու շատ լուրջ տրամադրուած: Այս պահուն կը փնտռեն բնագիտութեան մարդիկ, որոնք կ’ուզեն դառնալ խմբակավարներ նոր ստեղծուող խմբակներուն համար.
• Անցեալ շաբթուան առաջին օրը Tech Week Artsakh-ի վերջին օրն էր, որուն ընթացքին ստորագրուեցաւ եռակողմանի յուշագիր մը` Մարտունիի, Մարտակերտի եւ Ասկերանի մէջ co-working տարածքներ ստեղծելու մասին․

• «Մարզերու երեխաները մարզերուն մէջ» անունով նախաձեռնութիւն մը կայ. Հայաստանի մարզերու երեխաներուն համար առցանց աշխատանքներու հնարաւորութիւններ կը ստեղծուին. չափազանց հետաքրքրական հարթակ է, կը գործէ շատոնց: Անցեալ շաբաթ Network Nation փոտքասթի շրջանակներուն մէջ Մայիս Մարգարեանը պատմեց, թէ ինչպէս կը գործէ ան․

• Կարէն Վարդանեանի անուան հիմնադրամը Լեռնապատ գիւղին մէջ անօդաչու սարքերու օդակայան կը կառուցէ, թռիչքուղին քիչ թէ շատ պատրաստ է: Մնացածին կառուցման համար դրամահաւաք սկսած է , $111 հազարէն $26 հազարը արդէն հաւաքուած է:
• Դիլիջանի մէջ աւարտեցաւ Մետիագրագիտութեան թեմայով հաքաթոնը, որուն կը մասնակցէին «Արմաթ» գիտաշխանոցներու երեխաները․

• Գիւմրիի մէջ աշխոյժ կ’աշխատի ծրագրաւորման ողիմպիական խմբակը.

Անհրաժեշտ է այս ձեւաչափը ընդլայնել դէպի այլ մարզեր:

• Armenian Code Academy-ն կը սկսի մեքենայական ուսուցման bootcamp.

https://bootcamps.aca.am/ml

Ինչո՛ւ յատուկ կ’անդրադառնամ այս ձեւաչափին. bootcamp կը նշանակէ, որ դասընթացքները պիտի ըլլան լիաժամ: Մասնակիցները պիտի ամէն գործ ձգեն եւ հինգ ամիս զբաղին ասորմով: Վերջաւորութեան, աշխատանքի ընդունուիլը գրեթէ երաշխաւորուած է:

• Գիւմրիի հրթիռաշինութեան խմբակը շատ աշխոյժ կ’աշխատի. գրեթէ ամէն շաբաթ տասնեակ երեխաներու մասնակցութեամբ տպաւորիչ տեսանիւթեր կը տեսնենք: Այս շաբաթ ալ բացառութիւն չէր․ https://www.facebook.com/khachaturtadevosyan1/posts/4025816857543659

• Յուլիս 18-ին կը կայանայ Ռոպոթներու համաշխարհային ողիմպիականի ազգային փուլը, զոր կը կազմակերպէ «Այբ» հիմնադրամը:
• «4090 հիմնադրամ»ին մասին մէկ անգամ գրած էի. մարտական գործողութիւններուն մասնակցած անձերուն համար կրթաթոշակի մրցոյթ կ’ընեն, վերջին ժամկէտը` Օգոստոս 5.

• Գոլպա գիտաշխանոցը մարզաբնակ երիտասարդներուն համար վճարովի ինթերնշիփ  կը կազմակերպէ SMM ուղղութեամբ․

https://kolba.am/hy/paid-internship-smm/

այս պահուն միայն Լոռիի, Շիրակի, Տաւուշի եւ Գեղարքունիքի մարզերուն համար:

• Նոր Երզնկա գիւղին մէջ «Արմաթ» գիտաշխանոց բանալու դրամահաւաքը բարեյաջող աւարտեցաւ․

https://www.facebook.com/photo?fbid=3072047869693080&set=gm.856841438259985

• ԵՊՀ Արեւելագիտութեան հիմնարկի ուսանողական գիտական ընկերութիւնը կը կազմակերպէ Արեւելագիտութեան ամառնային դպրոց, գրանցումը բաց է․

https://docs.google.com/…/1mpzSVFFIx8…/viewform

• Մասնաւոր ֆինանսաւորմամբ վերաբացուած է Լեւոն Արոնեանի եւ Գաբրիէլ Սարգսեանի ճատրակի ուսումնական կեդրոնը:
• «Գիտուժ» նախաձեռնութիւնը կը կազմակերպէ մեծ bootcamp գիտական եւ արհեստագիտական թեմաներով աշխատող լրագրողներուն համար:
• «Իրական»  դպրոցը յայտարարեց 10-15 տարեկան երեխաներու համար IT խմբակի ընդունելութիւն․

https://www.facebook.com/photo?fbid=254818519783147&set=a.183391003592566

• Լոռիի գիւղերու աշակերտներուն համար ուսողութեան փոքր ամառնային դպրոց կը կազմակերպուի․

• Ամառնային մէկ այլ դպրոց, «Գիտարար»  անունով, ուր կ’ուսուցանուին հետազօտական աշխատանքներ կատարելու հիմունքները: Դիմելու ժամկէտը աւարտեցաւ արդեն:
• Գիւմրիի մէջ կը սկսի EDA-ի անվճար դասընթացքներ Ինսթիկեյթի կողմէ:
• Գիւմրիի ու Վանաձորի մէջ կը գործէ Yandex ծրագրաւորման դպրոց մը: Անցեալ շաբաթ, 55 ուսանող աւարտեց ուսուցումը․

• Դիլիջանի մէջ աւարտեցաւ «Արմաթ» թեքնոճամբարը: Լուսանկարներէն դատելով 100-է աւելի աշակերտ կը մասնակցէր․

• Արցախի Մարտունիի շրջանի Հաղորտի գիւղին մէջ, չորս հոգիանոց web ծրագրաւորման խումբ մը ստեղծուած է. տարածք առեր են, վերանորոգեր, համակարգիչներ են նուէր ստացեր: Կը կարծեմ պատրաստ են ընդունելու պատուէրներ․

• Բացուեցաւ այս տարուայ «Տիճիթէք Էքսփօ»-ի գրանցումը:
• Ներդրումներու աշխարհէն․ 10web ընկերութիւնը յայտարարեց, որ $2 միլիոն ներդրում ստացած է ամերիկեան Sierra Ventures եւ յայտնի գիտնական Andrew Ng-ի հիմնադրած AI Fund հիմնադրամներէն.

• ՀՀ Կառավարութիւնը քանի մը միլիոն տոլար յատկացուց ֆոնտի մը, որ այլ աղբիւրներու հետ արդէն կը դառնայ $45 միլիոննոց ֆոնտ մը, եւ եթէ ճիշդ հասկցայ, պիտի կառավարուի «Ամպեր Քափիթալ»-ի կողմէ.

• «Ճարտարագիտական քաղաք»ին կապուած որոշակի աշխոյժութիւն երեւցաւ. գրանցուած են քաղաքի «ռեզիտենթ» առաջին ութ ընկերութիւնները․

• Friends of the Armenian Soldier and Family հիմնադրամը յայտարարեց, որ դրամաշնորհներ պիտի տրամադրէ Հայաստանի մէջ գործող այն խումբերուն, որոնց հիմնական գործունէութիւնը զինուորներուն եւ վեթերաններուն աջակցիլն է:
• Սփիւռքի յանձնակատարի գրասենեակին «Քայլ դէպի տուն» ծրագիրը կը շարունակուի, երկրորդ փուլը սկսած է 68 երիտասարդներու հետ՝ 8 երկիրներէ.

Առաջին փուլի մասնակիցներէն մէկը քոյրս էր, չափազանց տպաւորուած էր 🙂

• Գիտութեան կոմիտէն յայտարարեց կիրառական արդիւնքին միտուած գիտական հետազօտութիւններու դրամաշնորհ:

Արեւմտահայերէնի վերածեց Վարդան Թաշճեան